A special joyride experience ang ihahandog ng "ASAP 2012" ngayong Linggo (Nobyembre 4) sa engrandeng paglulunsad ng pinakabagong cable channel ng ABS-CBN na Jeepney TV. Ang selebrasyon ay pangungunahan ni Mr. Pure Energy Gary Valenciano na siyang umawit ng theme song ng Station ID ng bagong istasyon na nagtatampok ng replays ng well-loved Kapamilya teleseryes, sitsoms at TV specials tulad ng "Home Along Da Riles," "Ang TV," "Gimik," at "Pangako Sa 'Yo."
Bukod kay Mr. Pure Energy, kasama rin sa grand launch ng Jeepney TV ang ilan sa pinakasikat na Kapamilya stars na sina Martin Nievera, Toni Gonzaga, Jericho Rosales, Nikki Gil, at Eula Valdes.
Sumama sa kakaibang biyahe sa mystical Supahdance treat na handog nina Matteo Guidicelli, Jessy Mendiola, Iya Villania, Megan Young, Empress, Carlo Romero, Manuel Chua at Iza Calzado.
Tunghayan din ang isa na namang mindblowing performance na ihahatid ng ultimate multimedia star na si Toni sa 'T Zone;' na susundan ng makapigil-hiningang dance number ng international Pinoy RnB sensation na si Billy Crawford sa kanyang pinakabagong 'B-Segment.'
Sunod-sunod na surprises naman ang tiyak na kapananabikan sa ASAP centerstage ngayong Linggo kabilang ang espesyal na production number na inihanda ng nina Ella Cruz, Robi Domingo, Miles Ocampo, Jerome Ponce, Janella Salvador, Tippy Dos Santos, Anja Aguilar at Sam Concepcion kasama ang Kapamilya child wonders na sina Xyriel Manabat at Bugoy Cariño. Huwag ding palampasin ang back-to-back album launches ng Kapamilya hunk na si Carlos Agassi at ng OPM band na Callalily.
Samantala, world-class talent ang muling masasaksihan sa makatindig-balahibong concert experience na ihahandog nina ZsaZsa Padilla, Vina Morales, Bamboo, at ng ASAP Sessionistas; nakamamanghang vocal act nina Christian Bautista, Erik Santos, Jed Madela, at Angeline Quinto; at sa malupit na acoustic-rock performance nina Yeng Constantino, Aiza Seguerra, JM de Guzman, Zia Quizon, at Paolo Valenciano.
Makikanta, makisayaw, makisaya at maki-showdown sa "ASAP 2012" ngayong Linggo, 12:15 ng hapon sa ABS-CBN. Para sa updates, pictures at tsansang maka-hang out nang live ang stars ng ASAP Chill-Out, bumisita lamang sahttp://asap.abs-cbn.com/, sundan ang @ASAPOFFICIAL sa Twitter, o i-'like' anghttp://facebook.com/asapofficial.
No comments:
Post a Comment